You are not logged in.

#1 Apr 1st 15 11:52:36

hassan
Member
Registered: Mar 11th 15
Posts: 1,693

Party Make up Tips

Going On A Party?
Lets Wear A party Make Up First

Overview:
Aam tor par khawateen yeh samjhti hain keh bhari mqdar mein make up hi in ki khoobsurti mein izafah karta hai lekin yeh zaroori nahi. Nefasat se kia gia halka make up bhi chehre ki shadabi brqarar rakhne mein ahum kirdar ada kar skta hai. Moqa koi bhi ho khawateen make up ke beghair ghar se nahi nikaltein. Is zaman mein halka make up behtareen rehta hai. Is tarah chehra tar o taza balkeh motadil andaz se make up msnuaat ke istemaal se jild ko nqsaan nahi puhanchta aur qudrati shadabi bar qarar rehti hai. Is liye aaj hum kake up ke do aise andaz mutaruf karwayein gay jo kam msnuaat ke sath aap ke chehre ko dilkash aur pur kashish bana dein gay.

Silver Eye Look:
Is look ke liye apni jild ko cream foundation se tiyar kar lein. Is ke baad ghilaf e chasham par golden matte colors ka eye shadow lagayein aur mtwazan andaz se is ki blending karein jab keh aankhon ke upri konon ko silver eye shadow se uja gar karein kiun keh hamara mqsad sirf upri konon ko numayan karna hai is liye silver eye shadow ka tuch dena hi kafi hoga.

Eye Liner:
Angle brush ki madad se bareeki ke sath black gel eye liner lagayein. Ise lagane ke baad palkon ko curl karein aur sirf opri parlkon par wafir mqdar mein maskara lagayein. Izafi khoobsurti ke liye in par msnuyi palkein lagayein.

Rukhsar Aur Hont Ke Liye:
Pure chehre par shaffaf powder lagayein. Is ke baad ankhon ke andarooni hisse mein creamy white pencil ko ahtiyaat se lagayein honton ko numayan karne ke liye in par gehri burgundy rung ki lip stick ka izafah karein jabkeh rukhsaron par halke gulabi rung ke blush on ki blending karein. Chehre ke sath hathon ko purkashsish banana ke liye nails par gehre rung ki nail polish lagayein.

Perfect Creamy Look:
Liquid foundation aur concealer se apni jild ko tiyar kar lein aur phir kuch der baad shaffaf powder lagayein. Aankhon ke andarooni hisse mein cream white pencil lagayein. Palkon ko curl karein aur in par wafir mqdar mein mskara lagayein.

Eye Shadow:
Apne ghilaf chashm ke sath aankhon ke nichle hisse mein Taupe colour ke eye shadow ki blending karein. Agar eye shadow siron se bahir nikal jaye to is hisse mein shaffaf powder ki blending karein. Rukhsaron par caramel tones ka brown shadow lagayein look ko mazeed pur kashish banana ke liye honton ko nude lip stick se high light karein.

Last edited by hassan (Apr 1st 15 11:54:16)

Board footer